Галичица | ж.
Планина во Македонија.
Галичник | м.
Село во Македонија.
галија | ж.
Едреник, голем старовремски брод што плови со помош на весла и на едра. Виде галии со полни едра и со развиорени знамиња.
Галија | ж.
Некогашна област, на територијата на денешна Франција.
галне | св.
Кратко помилува. Само го гална по образот и си замина.
галовен | прид.
Што е нежен, топол. Галовен поглед.
галон | м.
Англиска мерка за течност.
галоп | м.
Вид брзо коњско трчање со скокови. Коњаникот го потера коњот во галоп.
галопира | несв.
За коњ – трча во галоп, трча брзо со скокови. Коњите галопираа.
галош | м.
Плитки обувки за кал и за снег, направени од гума, што може да се носат и преку други обувки.
