догорчи ми | св.
Почувствува горчина.
доготви | св.
Подготви, суреди до крај. Ја чекаше да ги доготви алиштата во куферот.
дограба | св.
Ограби, пљачкоса до крај. Сѐ што им остана војската го дограба.
дограби | св.
Дофати, зграпчи. Одвај втасале да ги дограбат децата.
доградба | ж.
Нешто што дополнително се доградува, дел што е доѕидан до некој објект. Во доградбата што ја направија сместија кираџии.
догради | св.
Изгради до крај, заврши со градењето. Тој ја догради куќата пред да фати зимата.
дограма | ж.
Градежна дрвенарија (прозорци, врати и др.).
дограмаџилак | м.
Столарски занает.
дограмаџија | м.
Лице што изработува предмети од дрво, столар.
дограпчи | св.
Зграпчи, дофати. Во трчање го дограпчи палтото и јурна низ вратата.
