доизбичи | св.
Избичи сѐ што останало, до крај.
доизблуе | св.
Поврати сѐ, до крај, заврши со повраќањето.
доизбрише | св.
Избрише до крај, сосема. Ученикот ја доизбриша таблата.
доизбрка | св.
Ги брка сите, до еден. Сосетката ги доизбрка кокошките од нејзиниот двор.
доизброи | св.
Заврши со броењето, ги изброи сите до еден. Ги доизброи јаболката и си касна едно.
доизвади | св.
Извади до крај, сѐ. Продавачката ги доизвади сите кошули за да имам поголем избор.
доизвалка | св.
Валка до крај нешто извалкано. Помина еден автомобил и ми ги доизвалка панталоните.
доизвари | св.
Вари нешто до крај, сосема.
доизведе 1 | св.
Изведе сѐ, сите; заврши со изведувањето. Пожарникарите ги доизведоа сите жртви од зградата. Старецот нѐ доизведе до една полјанка. Ја доизведе равенката. И покрај техничките проблеми, актерите ја доизведоа претставата.
доизведе 2 | св.
За птици – веде малечки до крај. Квачката ги доизведе пилињата.
