евоцира | св. и несв.
Оживува спомени, сеќавања. Тие евоцираа спомени од младоста.
Евреин | м.
Припадник на народ со потекло од денешен Израел.
евристика | ж.
Метод на истражување кога се бара вистината преку прашања, се истражува со поставување прашања. Евристиката е употребена како метод при истражувањето, но се употребени и други методологии.
евро | ср.
Парична единица во Европската Унија.
евро- | претс.
Како прв дел од сложенки со значење европски (евроазиски, евроинтеграции).
Евроазија | ж.
Заедничко име за двата континента Европа и Азија.
Европа | ж.
Континент.
европеизам | м.
Збор или израз што се употребува во поголем број европски јазици.
европеизација | ж.
Прифаќање на европската култура и на европскиот начин на живот. Европеизацијата на Балканот е подолг процес.
европеизира | св. и несв.
Направи, прави некој или нешто да добие обележја на европската култура. Тие ја европеизираа малата колонија.
