евловица | ж.

Вид ракија, алкохол во кој е ставено евлово гранче. Тој донесе едно шише евловица.

евнух | м.

Кастриран маж, обично чувар на харем. Тој беше евнух кај каданите во харемот.

евокативен | прид.

Предизвикувачки, возбудлив. Неговата појава е евокативна и полна со асоцијации за наредниот настап. Се појавуваат неколку лирски слики со исклучителна евокативна моќ.

евокација | ж.

Потсетување преку сеќавање за некого или за нешто; оживување спомени. Неговото раскажување беше евокација за младоста.

еволуира | св. и несв.

Се развие, се развива од пониско кон повисоко, премине, преминува од една во друга состојба. Организмите постојано еволуираат.

еволутивен | прид.

Развоен, со тенденција за премин од пониско кон повисоко, од попросто кон посложено. Еволутивен период. Еволутивен процес. Еволутивни закономерности.

еволуционен | прид.

еволуционизам | м.

Теорија за постапен развиток, поглед на светот чијшто основен принцип е развојноста. Во почетокот еволуционизмот немаше многу претставници.

еволуционист | м.

Приврзаник на еволуционизмот. Бројот на еволуционистите се зголемуваше.

еволуција | ж.

Постепен премин од една состојба во друга, развиток. Еволуција на растителниот свет.