ензим | м.
Органски азотни соединенија на живите клетки што овозможуваат да се вршат хемиски реакции во физиолошки услови на киселост, температура и притисок.
енигма | ж.
Нешто што е загадочно, таинствено, што останува неразјаснето.
енигматика | ж.
Составување и решавање загатки.
енигматичар | м.
Тој што се занимава со составување и со решавање загатки.
енигматичен | прид.
Составен од загатки.
Енисеј | м.
Река во Русија.
енклава | ж.
Дел од територија, регион, подрачје издвоено од сопствената и вклучено во друга држава.
енклитика | ж.
Збор без свој акцент што се поврзува при изговорот во акцентска целост со претходниот акцентиран збор (татко ми – таткоми).
енолог | м.
Специјалист за вино.
енологија | ж.
Наука за производство и за чување вино; винарство.
