еуфонија | ж.
Милозвучност, хармонија на звуците.
еуфорија | ж.
(мед.) Болна состојба со субјективно зголемена возбуда, ведро расположение и безгрижност кај болните.
еуфоричен | прид.
Што се однесува на еуфорија, што е во состојба на еуфорија.
Еуфрат | м.
Река во Месопотамија, Азија.
ефект | м.
Резултат од работа, последица од извршување на некакво дејство или процес. Работен ефект. Очекуваше да го види ефектот на своите зборови.
ефектен | прид.
Што предизвикува внимание, впечатлив, силен, уверлив. Вчера ти ни одржа ефектен говор. Ефектна сценска изведба.
ефектива | ж.
Тоа што се има, со што се располага во моментот (обично во пари, готовина).
ефективен | прид.
Што дава ефект, добар резултат, реален, вистински. Ефективна работа. Ефективна вредност.
ефектуира | св. и несв.
Изврши, извршува; оствари, остварува некаква дејност забрзано, во предвиденото време.
ефемерен | прид.
Краткотраен, безначаен. Ефемерни резултати.
