жандарм | м.
Припадник на жандармерија.
жандармерија | ж.
Посебни полициски единици, организирани и делумно вооружени како војска. Останаа само одредите на жандармеријата. Кралската жандармерија.
жанр | м.
Определена форма на литературно или на друго уметничко дело што се изделува со сижетните, стилските и др. особености; род; вид. Епски жанр. Драмски жанр.
жапка | ж.
Дем. од жаба.
жапче | ср.
Дем и хип. од жаба.
жар | ж.
Вжештени остатоци од согорување на дрво, јаглен и сл., без пламен и чад. Пастрмка на жар. Го извади жарот од печката. Некој со вода ги полеваше жарјето во мангалот.
жаргон | м.
Говор на луѓе од иста професија, сталеж или социјална група кој содржи посебно карактеристични зборови, изрази и условни, изместени значења на зборови надвор од општоусвоената терминологија и од нормите на стандардниот јазик.
жаргонизам | м.
Збор или реченица својствени на некој жаргон.
жардиниера | ж.
Голем сад за цвеќиња и за други украсни растенија (обично во градина, парк или во голема просторија).
жари | несв.
Гори, пече, доведува нешто во состојба на жар. Ковачот ја жареше косата за да ја клепа.
