инати се | св.

инаугурација | ж.

Свечено отворање или откривање.

инаугурира | св. и несв.

Свечено отвори, отвора некоја установа, седница и сл. Таа вечер, тој го инаугурира фестивалот посветен на џезот.

инвазија | ж.

Непријателски пробив во некоја земја со цел да се освои, да се окупира; наезда. Изврши инвазија.

инвалид | м.

Човек што е телесно оштетен (во војна, при вршење на својата работа, во несреќен случај и сл.) и станал делумно или целосно неспособен за работа. Инвалиди на трудот. Воен инвалид.

инвалидизира | св. и несв.

Направи, прави некого инвалид.

инвалидитет | м.

Состојба во која се наоѓа инвалидот; немоќност, неработоспособност.

инвалиднина | ж.

Парична помош што ја добива инвалидот; инвалидска пензија. Тој живееше само со илјада денари месечна инвалиднина.

инвектив | ж.

Погрден израз, навреда; прекор, напад со пцости

инвентар | м.

Попис на целокупниот имот, пред сè на подвижниот, со назнака на вредноста на предметите.