изѕида | св.
Со ѕидање подигне градежен објект, целосно, до крај; изгради. Мајсторите на плацот изѕидаа куќа на два ката.
изѕира се | несв.
Се проѕира, пропушта светлина. Водата се изѕира. Коските му се изѕираа.
изигнатина | ж.
Возвишение, издигнато место повисоко од околината.
изигра | св.
Одигра вид игра, улога и сл. Јас изиграв неколку партии шах со внукот. Невестата изигра едно оро. Нашите актери ги изиграа успешно своите улоги во филмот.
изим | м.
Дозвола, одобрување да се направи нешто. Бара изим од татка си да се ожени.
изискашла се | св.
Се искашла доволно. Се изискашла пред да влезе.
изискува | несв.
Бара, има потреба од нешто. Тоа изискува поголеми подготовки.
изитри се | св.
Стане итар. Тој многу се изитри работејќи во дуќанот на вујко му.
изјава | ж.
Писмено или усно излагање, признание и сл. Даде изјава во полиција како сведок на одбраната. Потпиша изјава на покајување.
изјави | св.
Соопшти пред некого, за јавност, даде изјава. Тужениот изјави решително дека не е виновен. Тој ѝ изјави љубов на својата сакана.
