илузорен | прид.
Што постои само во фантазијата, нереален; осуден на неуспех, неостварлив. Се надеваме на средба, иако е тоа сосем илузорна надеж.
илуминати | и.
Просветлени, тајно друштво од ерата на просветлувањето.
илуминатор | м.
Лице што украсува ракописи со разни орнаменти и минијатури.
илуминација | ж.
Свечено осветлување на простории, згради, улици.
илуминира | св. и несв.
Врши, изврши специјално осветлување на згради, простории, улици; прави илуминација.
илустративен | прид.
Што служи како илустрација, што објаснува сликовито. Во овој прилог ќе неведеме неколку илустративни примери.
илустратор | м.
Лице што илустрира, сликар, цртач на илустрации. Илустраторите буквално ја илустрираат вербалната порака.
илустрација | ж.
Сликовит додаток (цртеж, слика, шема и др.) што го појаснува и го дополнува текстот во книга, весник, списание и сл.
илустрира | св. и несв.
Слика, прави илустрации за даден текст.
иља | прил.
Само. Овие комшииве и родниниве твои, иља да те видат да плачеш ‒ срцето им се полни.
