импрегнира | св. и несв.
Натопи, натопува (ткаенина), намачка, намачкува (дрво и др.) со заштитно средство од влага, вода, киселини итн.
импресарио | ср.
Лице што уредува и организира концерти, претстави и сл.
импресивен | прид.
Што остава и предизвикува силен впечаток; впечатлив. Имаше навистина импресивен настап.
импресија | ж.
Впечаток, претстава, влијание што го врши нешто (книга, слика, музика, пејзаж и сл.) врз некого. Часот го завршуваме со искажување импресии здобиени со читањето на драмското дело.
импресионизам | м.
Уметнички правец во Европа од крајот на XIX век кој се стреми кон слободно изразување на непосредните субјективни впечатоци и расположби од доживеаното и виденото.
импресионира | св. и несв.
Остава силен впечаток. Сакаше да ја импресионира со своето кавалерско однесување.
импресионист | м.
Приврзаник на импресионизмот во сликарството.
импресионистички | прид.
Што се однесува на импресионист и на импресиони Многу сликари се определуваат за импресионистички ликовни решенија.
импресум | м.
Податоци во книга, списание и сл. за издавачот, уредникот, местото, годината на издавањето итн.
импровизатор | м.
Лице што импровизира, што изведува нешто без претходна подготовка. Најдобри импровизатори се професионалните народни пејачи и раскажувачи.
