халуцинира | несв.
Страда од халуцинации, има халуцинации. Не беше при свест, халуцинираше.
халф | м.
Играч во екипен спорт (фудбал, ракомет и сл.) што помага во играта и во нападот и во одбраната. Десен халф.
халф-линија | ж.
Преден, одбрамбен ред, линија од тројца халфови.
хамбург | м.
Вид винова лоза и грозје. Лозјето беше посадено со хамбург.
Хамбург | м.
Град во Германија.
хамбургер | м.
Сендвич со тркалезно парче леб, со плескавица и додатоци (пржени компири, разни видови свежа салата – домат, краставица, марула, зелка итн.).
хамер | м.
Посебен вид хартија за цртање. Бел хамер. Хамер во боја. На ѕидовите во училницата висеа хамери со исечени сликички и со текстови во краснопис.
Хамерфест | м.
Најсеверен град во Норвешка и во цела Европа
хан | м.
Владетелска титула кај Татарите и Монголите.
хангар | м.
Монтажен објект со голема површина за сместување авиони и други направи за летање.
