аргументација | ж.
Целокупност на документи со кои се докажува нешто. Целата аргументација беше сместена во досието на осудениот. Лажната аргументација беше приложена до надлежниот судија. Научна аргументација.
аргументира | св. и несв.
Изнесе, изнесува аргументи. Таа ја аргументира секоја негова постапка. Доајенот аргументираше со логиката на научник.
Ардени | и.
Планински масив во Европа.
ареал | м.
Област, подрачје на распространетост на некој вид, род, растенија, животни. Во тој ареал одредени растителни видови не успеваат.
арен | прид.
Добар. Арен човек. Арна работа.
арена | ж.
(истор.) Ограден простор на кој во античко време се изведувале разни игри или борби. Гладијаторот страдаше во арената.
аренда | ж.
Закупување на обработливо земјиште. Ја зедов земјата под аренда.
ареса | св.
Почувствува симпатија кон некого, кон нешто. Мајсторот го ареса момичето, го ареса и си го зеде. Свекрвата ја ареса постапката на сватовите.
Ариец | м.
Термин за припадник на индоевропските народи.
арија | ж.
Пеење со инструментална придружба, најчесто во опера; мелодија, напев. Оперска арија. Позната арија.
