бисквит | м.
Тенки, тврди колачи од брашно, шеќер и јајца.
бискуп | м.
Католичко свештено лице што управува со бискупија; епископ.
бискупија | ж.
Црковна област со која управува бискуп.
бискупов | прид.
Што припаѓа на бискуп. Бискупов двор. Бискупова капа. Бискупова мисла.
биста | ж.
Вајарско дело што го претставува човечкото тело до појас. Бронзена биста. Мермерна биста. Биста на млад херој.
бистар | прид.
Што е проѕирен и чист; спрот. матен. Бистар кладенец. Бистра вода. Бистра ракија. Бистро езеро. Бистри реки.
Бистра | ж.
Планина во Македонија.
бистри | несв.
Прави нешто да биде бистро. Специјални филтри ја бистрат водата. Рибата чистач ја бистри водата во аквариумот.
бистрина | ж.
Својство на тоа што е бистро, проѕирност. Позната е бистрината на Охридското Езеро.
бистрица | ж.
Бистра вода.
