бакрорезец | м.
Лице што изработува бакрорези. Тој беше иконописец и бакрорезец.
баксуз | м.
Човек што го следи лоша среќа, кому едно по друго му се случуваат лоши работи, несреќен човек. Мајка ми ме родила баксуз.
баксузен | прид.
Што се однесува на баксуз. Баксузен човек. Баксузна жена. Баксузна работа.
баксузлак | м.
бактериолог | м.
Тој што се занимава со проучување на особините и на животот на бактериите.
бактериологија | ж.
Наука што се занимава со проучување на особините и на животот на бактериите.
бактерија | ж.
Микроскопски мал, едноклеточен жив организам, подвижен или неподвижен, кој живее како паразит. Некои од бактериите предизвикуваат заразни болести.
бактиса (се) | св.
Ми (ти, му, ...) стане досаден, здодевен; боктиса. Ми (се) бактиса оваа работа.
Баку | ср.
Главен град на Азербејџан.
бакшиш | м.
Подарок, дар, награда за направена услуга. Купи бакшиш. Снаата ќе донесе бакшиши за сите.
