бакаллак | м.

Бакалска стока. Почна да му реди разен бакаллак: две оки шеќер, пол ока кафе, сто драм црвен пипер, една вреќа сол, тенекија газија и др.

бакалница | ж.

Продавница со бакалска стока. Селска бакалница. Отвори бакалница.

бакалува | несв.

Врши бакалска работа. Успешно бакалува.

бакам | м.

Растение со кое се вапсуваат велигденски јајца, варзило; Caesalpinia bahanmensis. Бакам за боење јајца.

бакар | м.

Само еднина. Хемиски елемент, метал со темноцрвена боја; симбол Cu. Мек бакар. Позеленет бакар. Не е од чисто злато, туку од бакар или од тенекија.

бакардиса | св.

бакарен | прид.

Што содржи бакар или што е од бакар. Бакарна руда. Бакарен котел. Бакарна жица. Бакарни садови. Бакарни пари. Бакарни пафти.

бакари | несв.

Почитува, цени некого или нешто. Воопшто не ме бакари. Непара го бакареше ни Велигден, ни Ѓурѓовден.

бакариса | св.

Обложи со бакар. Ги бакариса садовите.

бакарисан | глаг. прид.

Што е обложено со бакар. Бакарисани садови.