доисплакне | св.
Исплакне сѐ што било за плакнење.
доисплати | св.
Исплати нешто сосема, до крај. Го доисплати кредитот за стан.
доисплаче | св.
Престане со плачењето. Ја доисплакавме старата куќа.
доисполни | св.
Исполни до крај, сосема нешто неисполнето. Останатиот простор го доисполнивме со разни дребулии.
доисправи | св.
Исправи нешто или некого сосема. Мајсторот го доисправи клинот со чекан. Таткото се поткрена, а синот го потфати и го доисправи.
доиспразни | св.
Испразни нешто до крај. Ја доиспразни чашата со вино.
доиспрати | св.
Испрати сѐ што било за испраќање. Вчера сестра ми ми ги доиспрати алиштата.
доиспраша | св.
Испраша за сѐ, до крај. Стоевме уште со сосетката и ме доиспраша за сѐ и сешто.
доиспреде | св.
Испреде сѐ, до крај. Ја доиспреде волната.
доиспродаде | св.
Испродаде сѐ, до крај. Го доиспродаде имотот во селото.
