домава | св.
Престане со мавањето. Домавал со прачката по грбот на магарето и седнал.
домазет | м.
Маж што по женидбата живее во куќата на родителите на својата жена. Се оженив и отидов домазет.
домазетство | ср.
Состојба на мажот што живее како домазет. Во нивната фамилија никогаш немало домазетство.
домазлак | м.
домака | св.
Заврши со макањето. Го домака јадењето во чинијата.
домал | прид.
За прст – што се наоѓа меѓу средниот и малиот прст. Секирата ми го преполови домалиот прст. Се удрил со камен по домалиот прст.
домами | св.
Привлече некого да дојде, придобие со мамење. Тој ме домамил ваму за да ме фатат во стапица. Свирката го домамила девојчето.
домар | м.
Лице што се грижи за одржување на дом, куќа, простории и сл. Клучевите се кај домарот.
домароден | прид.
домаршира | св.
Стигне марширајќи до определено место, до некаде. Тие домаршираа пред неа и ја поздравија строго.
