домаси | прил.

Во својот дом, дома. Се вратил домаси.

домат | м.

Вид едногодишно градинарско растение со црвени, тркалезни и сочни, месести плодови што се користат во исхраната (за салата, сок, додаток при готвење); плодот на ова градинарско растение; Lycopersicum esculentum. Плодот на доматот е сочен. Имале големи плантажи на кои одгледувале домати. Кошница полна со домати. Летно јадење од домати и пиперки.

доматен | прид.

Што е направен од плодови на домати. Доматен сос. Доматно пире.

домачка | св.

Заврши со мачкањето. Го домачка целиот путер на лебот.

домачне ми | св.

Ми) стане мачно, досадно, непријатно. Му домачне да го гледа. Кога ќе ти домачни, ќе бегаш. Му домачнело да молчи.

домашар | м.

(разг.) Тој што сака да седи дома. Нејзиниот маж е домашар. Ние со мажот ми сме домашари.

домашен | прид.

Што се однесува на домот, на семејството, што има работа, служба поврзана со домот или со семејството. Домашна адреса. Домашно воспитување. Домашен лекар. Домашна послуга. Домашни помошнички.

домаќин | м.

Лице што управува со куќата, со домот; глава на семејството, стопан. Секој домаќин си остава наследник на куќата. Многу домаќини ги напуштија своите огништа.

домаќинка | ж.

домаќин_1_2_3_6 Ќерка ти е домаќинка на место. Јас сакам домаќинка на куќата. Се знаат ли работите на селска домаќинка особено во побогата куќа? Сам сум, откако ми умре домаќинката.

домаќинлак | м.