допраша | св.
Испраша сѐ, до крај. Ти праша, ама не допраша како што треба.
допраши | св.
За лозје и сл. – заврши со прашењето. Отидовме на нива да го допрашиме гравот.
допрва | прил.
За означување на нешто што следува. Со тебе допрва ќе разговараме. Допрва ќе видиме како ќе течат работите.
допре | св.
Чепне, фати нешто, приближи нешто до друго нешто. Ја допре по косата. Расеано си ги допрел џебовите. Го допрев своето лице до иконата.
допреде | св.
Заврши со предењето, испреде сѐ, до крај. Врцкаше со вретеното да ја допреде и последната кадела.
допрепише | св.
Препише до крај. Ги допрепишав сите задачи.
допрецени | св.
Прецени добро, објективно (обично негирано). Не ги допрецени работите како што треба.
допржи | св.
Испржи добро, доволно. Ги допржи рибите и ги принесе на масата.
допродаде | св.
Продаде сѐ, до крај. Ја допродадов сета волна.
допрочита | св.
Прочита целосно, до крај. Долго време се мачам да ја допрочитам книгава.
