дојка | ж.
Орган со млечни жлезди на градите кај жената и соодветен орган кај женките на цицачите; боска, цицка. Најчесто задојувањето започнува со десната дојка.
дојница | ж.
доилка.
Дојран | м.
Гратче на Дојранското Езеро во Јужна Македонија.
Дојранско Езеро | ср.
Езеро во Македонија.
дољум | м.
Земјишна мера – 920м2.
драг | прид.
Што предизвикува радост, среќа, задоволство; мил, пријатен, убав. Драг поглед. Драга девојка. Драго село. Драги предмети.
драг | м.
Долг стап за потпирање распнато јаже, за чукање ореви и сл. Долг драг. Оревов драг.
Драговит | м.
Припадник на племе од македонските Словени.
драгоман | м.
Официјален толкувач, преведувач. Драгоманот на конзулот.
драгон | м.
Војник во лесна коњица. Одред драгони.
