дрводелство | ср.
Дрводелска дејност, занает за изработка на предмети од дрво. Развиено дрводелство.
дрвојад | м.
Вид црв, штетник што ги напаѓа дрвјата; Cossus cossus. Дрвцето е уништено од дрвојади.
дрворед | м.
Засадени дрвја во ред покрај улици, булевари и сл. Убав дрворед. Липови дрвореди.
дрворез | м.
Изработка на предмети со сечење и длабење во дрво; резба, копаница. Олтар во дрворез.
дрворезбарство | ср.
Резбарска дејност; резбарство, копаничарство. Народно дрворезбарство.
дрворезен | прид.
Што е изработен во резба. Дрворезен таван.
дрвоса | св.
Направи да стане нешто тврдо како дрво. Ја дрвосаа варта.
дрвосечач | м.
Лице што сече дрва во шумата.
дрдало | ср.
Дел од гајда; брчало, бучало. Дрдалото на гајдата.
дрдореница | ж.
Безначаен, бесмислен збор. Навредливи дрдореници.
