другоселец | м.

Лице од друго село. Непознат другоселец. Дојдоа другоселци.

другост | ж.

Нешто што е издвоено, посебност, различност. Таа ќе се труди да се пронајде во својата другост.

другпат | прил.

Не сега, при друг повод, во друг случај; повторно, пак. Другпат ќе се договориме. Да не ми дојдеш другпат. Ќе се видиме другпат. Другпат за тоа.

дружба | ж.

Пријателски однос, другарство, дружење. Пријатна дружба. Наша дружба. Вечна дружба.

дружељубен | прид.

дружељубив | прид.

Што сака да се дружи, да другарува. Дружељубиво дете. Многу се дружељубиви.

дружен | прид.

Што е заеднички. Дружна борба. Дружни удари.

дружина | ж.

Група, здружение, организација формирана врз пријателски, професионален или друг однос. Водач на дружината. Ајдучка дружина. Литературна дружина. Драмски дружини.

дружи (се) | несв.

друм | м.