декар | м.
Мера што означува површина од десет ари; површина од 1000 метри квадратни.
декември | и.
Последен, дванаесетти месец во годината; снежник.
декика | ж.
Минута, час, миг, момент. За пет декики да ги собериш сите селани овде. Во таа декика тој не гледа што прави.
декламативен | прид.
Што е патетичен, театрален. Декламативен настап. Декламативна реторика.
декламатор | м.
Тој што декламира; рецитатор.
декламација | ж.
Текст (обично песна) што се декламира, се рецитира; рецитација. За секоја пригода знаеше по некоја декламација.
декламира | несв.
Интерпретира, говори мошне впечатливо некаков текст (обично песна); рецитира.
декларативен | прид.
Што се состои од зборови, што е заснован на зборови. Декларативна изјава.
декларација | ж.
Официјална или свечена изјава, проглас за основните принципи и ставови што се однесуваат на некое многу важно прашање. Декларација за правата на човекот.
декларира | св. и несв.
Објави, објавува нешто, изнесе, изнесува некаков став за нешто. Тој отворено ја декларира својата определба за вооружена борба. Овде, тие слободно можат да го декларираат своето потекло.
