Дака | ж.
Главен град на Бангладеш.
Дакар | м.
Главен град на Сенегал.
Дакија | ж.
Древна област на Балканскиот Полуостров.
дактил | м.
Трисложна метричка стапка во која е нагласен првиот слог.
дактилограф | м.
Лице што пишува на машина за пишување, на компјутер и сл.; лице чија професија е дактилографија.
дактилографија | ж.
Пишување текст на машина за пишување, на компјутер и сл.; машинско пишување. Курс по дактилографија.
дактилографски | прид.
Што се однесува на дактилографија и на дактилограф. Дактилографско училиште. Дактилографско масиче. Дактилографска машина.
дактилоскопија | ж.
Утврдување на идентитетот на некое лице со земање и со испитување на отисоците од прстите.
дал | чест.
Скратена форма од дали, се употребува најчесто во поезијата и во разговорниот јазик, Дал да се смеам или да плачам, ништо ти не ми кажуваш.
далавера | ж.
Сплетка, подметнување нешто, трик. Прави далавери со зарчиња.
