дискусија | ж.
Расправа, претресување некое спорно прашање со цел да се дојде до правилно решение. Долга дискусија. Јавна дискусија. Прашање за дискусија. Поведе дискусија. Прекина дискусија.
дискутабилен | прид.
Предмет за кој може да се дискутира, за кој има потреба да се расправа, што е недефиниран, неутврден. Дискутабилно прашање. Дискутабилни предлози. Дискутабилна статија.
дискутант | м.
Учесник во дискусија, тој што дискутира.
дискутира | несв.
Учествува во дискусија. Долго дискутираа. Жестоко дискутираа. Живо дискутираше.
дислокација | ж.
(воен.) Разместување, распоредување на воени единици на одредена територија.
дислоцира | св. и несв.
Изврши, врши дислокација.
дисонантен | прид.
Што не е усогласен. Дисонантен звук. Дисонантни ставови.
дисонанција | ж.
(муз.) Неусогласување на тоновите, погрешен акорд.
диспанзер | м.
Здравствена установа за амбулантно лекување и контрола на болните и за спречување на ширење заразни болести. Детски диспанзер. Диспанзер за градни болести.
дисперзивен | прид.
Што има својство на дисперзија, што се распрснува. Дисперзивен тек. Дисперзивно својство.
