експлозија | ж.
Избувнување, распрснување со силен звук и тресок.
експозе | ср.
Кратко, обично усно излагање, извештај за определена проблематика.
експозитура | ж.
Оддел, клон, филијала на некоја фирма.
експозиција | ж.
Воведен дел во литературно или музичко дело што ги содржи мотивите кои понатаму се разработуваат.
експонат | м.
Предмет што се изложува пред публика на некоја изложба, саем, во музеј и сл. или во излог на продавница; изложен предмет. Археолошки експонат. Музејски експонат.
експонент | м.
Излагач, лице што излага некој предмет, експонат.
експонира | св. и несв.
Изложи, изложува, прикаже, прикажува, истакне, истакнува некого или нешто.
експонираност | ж.
Својство на тоа што е експонирано, изложеност, истакнување во јавноста.
експорт | м.
Извоз на стока во странство.
експортен | прид.
Извозен, што се однесува на извоз.
