етникум | м.
Етничка целина, етнос, народ.
етнички | прид.
Што се однесува на етник и на етнос. Етничка група. Етничка припадност. Етничка средина. Етничко потекло. Етнички својства.
етно- | претс.
Како прв дел од сложенки, означува дека вториот дел од зборот се однесува на народ, народност: етнокултура, етномузика.
етногенеза | ж.
Процес на создавање и развиток на определена етничка група, народ, нација.
етнограф | м.
Лице што се занимава со етнографија.
етнографија | ж.
Наука што ги опишува животот и обичаите на еден народ.
етнолог | м.
Тој што се занимава со етнологија.
етнологија | ж.
Наука што ги проучува потеклото и развитокот на народите и нивната материјална и духовна култура.
етнос | м.
Народ, племе.
Етрурија | ж.
Древна држава на Апенинскиот Полуостров.
