ефендица | ж.
Жена на ефендија.
Ефес | м.
Древен град во Мала Азија, денешна Турција.
ефикасен | прид.
Што дава добар резултат, успешен, сигурен. Ефикасна настава. Ефикасни методи.
ех | изв.
За изразување на различни расположенија: тага, копнеж, негодување. Ех, на старост срце да ти заигра! Ех, колку убаво ќе си поминевме.
ехо | ср.
Одраз, повторување на глас, звук; одглас, одек. Тоа лавна неколку пати, а ехото силно одекна. Оттаму идеше ехото на пукотниците.
ечи | несв.
Силно се гласи, има силен одек. Неговиот глас ечеше.
ешалон | м.
Дел од воена формација, воена единица поставена во колона, обично во движење. На полјанката се појавија нови четири ешалони.
ешарпа | ж.
Параден офицерски појас. Носеше ешарпа од бела свила на која висеше меч.
ешко | м.
ешта | ж.
Апетит, волја. Има голема ешта. Гајдата свири, орото се врти, ама некако без ешта.
