засаска | св.

Почне да саска. Тој засаска како змија.

засачи се | св.

Не може да мокри. Од многу терање коњот се засачи.

засвати се | св.

Стане сват со некого, се ороди (со мажење или со женење). Тој се засвати со чорбаџијата.

засведочи | св.

Потврди нешто со сведоштво, увери некого во нешто со тврдење и со докази. Во книгата се засведочени голем број месни имиња. Сакаше да му ја засведочи на генералот својата почит.

засвети | св.

Почне да свети, да дава светлина. Сонцето силно засвети. Ламбата му засвети во очите.

засветка | св.

Почне да светка. Надвор засветкаа молскавици. Очите му засветкаа од солзи.

засветли | св.

засвири | св.

Почне да свири. Детето го извадило кавалчето од појас и засвирело. Грамафонот тивко засвири. Пред хотелот засвирија автомобили.

засвирка | св.

Почне да свирка. Тој весело засвирка.

засвити (се) | св.