засегне | св.
Допре, чепне некого или нешто. Кучето беше толку лошо што не даваше со рака да го засегнеш.
заседа | ж.
Скришно место, позиција од која се изведува ненадеен, неочекуван напад. Тие фатија заседа зад буките. Од партизанските заседи грмнаа истрели.
заседава | несв.
Држи седница, состанок; води состанок или учествува во работата на некое тело. Советот за одбрана ќе заседава деновиве. Делегатите заседаваа цела ноќ.
заседание | ср.
Собир, состанок на членови на некоја организација, колектив и сл. заради разгледување и донесување одлуки. Работата на заседанието се одвиваше во три секции. Пленарни заседанија.
заседи се | св.
Се задржи долго време на едно место. Тој се заседел во кафеаната до полноќ.
заседла | св.
Стави, намести седло на коњ. Тој го заседла коњот.
заседне | св.
заседи Ние се заседнавме и не ни текнува да станеме.
засее | св.
Расее малку, во мала количина. Бабата засеа малку брашно.
засек | м.
Тоа што е засечено со нож или со некој друг остар предмет во дрво и др. Калемење на засек.
засека | ж.
Место со исечени дрвја в шума. Стигнаа до една засека и седнаа да се одморат.
