иззапали | св.
Запали сè, запали многу работи. Војниците ги иззапалија сите куќи во селото.
иззатвори | св.
Затвори сè, со ред, затвори многумина, сите до еден. Ги иззатворија сите слаткарници во градот.
иззатне | св.
Затне сè, со ред. Ги иззатна со крпи сите дупки на колибата да не дува северот.
изземе | св.
Исклучи нешто од некое множество, од нешто. Оваа точка да се изземе од дневниот ред.
иззоба | св.
Со зобање изеде до крај, целосно. Го иззоба грозјето.
изигнатина | ж.
Возвишение, издигнато место повисоко од околината.
изигра | св.
Одигра вид игра, улога и сл. Јас изиграв неколку партии шах со внукот. Невестата изигра едно оро. Нашите актери ги изиграа успешно своите улоги во филмот.
изим | м.
Дозвола, одобрување да се направи нешто. Бара изим од татка си да се ожени.
изискашла се | св.
Се искашла доволно. Се изискашла пред да влезе.
изискува | несв.
Бара, има потреба од нешто. Тоа изискува поголеми подготовки.
