изнавитка | св.
Навитка, намота многу, во голема мера, целосно. Ја изнавитка косата на виклери. Изнавитка еден голем појас околу половината.
изнавози | св.
Навози, надонесе со возење многу, доволно, во голема количина. Денеска изнавозија снопови од нивата до гумното, утре ќе жнеат.
изнавреди | св.
Навреди многу, во голема мера некого или многумина. Пијаниот ги изнавреди присутните.
изнаврне | св.
Наврне многу, обилно, во голема количина. Изнаврна доста оваа недела.
изнагази | св.
Нагази многу, натиска, настапка. Го изнагази добро грозјето.
изнагали | св.
Гали, милува многу, во голема мера. Ги изнагали внучињата.
изнагизди | св.
Нагизди некого многу, целосно. Девојките ја изнагиздија невестата.
изнагледа се | св.
Се нагледа во голема мера; Не може да ѝ се изнагледа. Се изнагледа сè и сешто по светот.
изнагнете | св.
Настава, наполни, нагнете нешто некаде. Ја изнагнете волната во една вреќа.
изнаголта се | св.
Се наголта, испие нешто во голема количина. Се изнаголта апчиња да ја смири нервозата. Се изнаголта изворска вода.
