изначуди се | св.
Се начуди многу, во голема мера. Се изначуди на тоа што го виде. Сиот народ што беше на сретсело се изначуди на неговите трикови.
изнашари | св.
Нашари доволно, нашари со многу шарки. Ткајачката ги изнашари килимите со повеќе бои.
изнашета се | св.
Се нашета доволно, многу. Се изнашета по светот пред да се ожени.
изнаѓубри | св.
Наѓубри многу, доволно. Ја изнаѓубри нивата добро уште есеноска.
изнајава се | св.
Се најава доволно, многу. Свадбарите се изнајаваа одејќи по невеста во друго село.
изнајаде | св.
Најаде некого повеќе од потребното, премногу. Бабата го изнајаде внучето со попара.
изнајде | св.
Најде, пронајде нешто што се бара. Ги изнајде роднините во големиот град.
изнајми | св.
Тргоовецот изнајми простории за складирање на стоката. Изнајмивме стан.
изневера | ж.
Невера, нарушување на ветената или очекувана верност. Неговата изневера ги погоди сите. Тој пишува за изневерата и за последиците по вљубените.
изневерен | прид.
Што го изневериле, што доживеал изневера. Изневерен маж. Изневерена жена.
