изѕебне | св.

изѕемнат | прид.

Што изѕемнал, што измрзнал многу. Изѕемнати раце. Изѕмнати борци.

изѕемне | св.

Многу измрзне, премрзне целосно зафатен од студ. Децата изѕемнаа враќајќи се од училиште.

изѕида | св.

Со ѕидање подигне градежен објект, целосно, до крај; изгради. Мајсторите на плацот изѕидаа куќа на два ката.

изѕира се | несв.

Се проѕира, пропушта светлина. Водата се изѕира. Коските му се изѕираа.

изјава | ж.

Писмено или усно излагање, признание и сл. Даде изјава во полиција како сведок на одбраната. Потпиша изјава на покајување.

изјави | св.

Соопшти пред некого, за јавност, даде изјава. Тужениот изјави решително дека не е виновен. Тој ѝ изјави љубов на својата сакана.

изјагни се | св.

За овци ‒ заврши со јагнење. Овците се изјагнија.

изјази се | св.

Се искачи високо по дрво, по скала и сл., се искачи јазејќи се. Детето се изјази по црешата да набере цреши.

изјалови | св.

Направи да биде јалов, без плод; обично за животно. Стопанот ја изјалови кобилата со многу товарање штици.