книговезец | м.
Тој што се занимава со подврзување книги.
книговезница | ж.
Работилница за подврзување книги.
книговодител | м.
Службено лице што се занимава со книговодство, со водење на деловни книги во книговодство. Тој е главен книговодител во претпријатието.
книговодство | ср.
(само едн.) Систем на евиденција што се води во специјално одредени, деловни книги и служи за евидентирање и контрола на имотната состојба и финансиските промени во некоја стопанска или друга организација. Ме упатија во едно претпријатие да го водам книговодството.
книгоиздавач | м.
Лице или претпријатие што издава книги; книгоиздател, издавач.
книгоиздател | м.
Лице или претпријатие што издава книги; издавач.
книгоиздателство | ср.
Претпријатие за издавање книги и други печатени дела.
книгољубец | м.
Тој што сака, собира книги; лице што го помага издавањето на книги.
книжар | м.
Тој што продава книги. Книжарот му ја понуди најновата книга.
книжарница | ж.
Продавница за книги, книжарски производи и канцелариски материјал. Во излогот на книжарницата беа наредени најновите изданија. Си купи учебници, тетратки и молив во книжарницата.
