комесаријат | м.
Власт, дејност и седиште или канцеларија на комесарот.
комета | ж.
Небесно тело со мала маса и густина; се состои од глава и од сјајна опашка; ѕвезда со опашка, опашеста ѕвезда.
комизам | м.
Комичната, смешната страна на нештата. Во неговите дела нема комизам и лакрдија.
комика | ж.
Тоа што е смешно, што предизвикува смеење. Секоја комика носи благородна цел, да насмее. Претставата носеше радост и комика.
комина | ж.
Остаток од овошјето, обично од грозје по гмечењето, кој се остава да ферментира по што се точи вино, се вари ракија и сл.
коминарка | ж.
Вид ракија добиена од комина; комова ракија. Испи две чаши лута коминарка.
коминарник | м.
Вино што се лежи во комињето и се точи од него непосредно пред употребата.
коминике | ср.
Службено соопштение; официјален извештај. По конгресот беше издадено коминике.
комисион | м.
Трговска фирма што продава туѓи предмети за определен надоместок.
комисионен | прид.
Што се однесува на комисион. Комисиона продавница.
