компировадачка | ж.
Алат за вадење компири од земјата. Компирите ефикасно се вадат со компировадачка.
компирџија | м.
Тој што е љубител на компири.
комплекс | м.
Збир од појави, предмети, својства, што прават една целина. Звуков комплекс. Ритмички комплекс.
комплексен | прид.
Што е составен од повеќе делови меѓусебно поврзани. Комплексен процес на производство. Комплексна работа.
комплементарен | прид.
Што се надополнува, што едно со друго прави целина. Националното и естетското во литературата секогаш треба да се во комплементарен однос.
комплет | м.
Збир од предмети, инструменти, уреди и др. што имаат слична примена и што заемно се дополнуваат. Комплет алати.
комплетен | прид.
Што е потполн, цел, целосен, што ги има сите делови.
комплетира | св. и несв.
Потполни, потполнува; дополни, дополнува нешто.
компликација | ж.
Ненадејна, неочекувана тешкотија; усложнување на дадена состојба.
компликува | св. и несв.
Направи, прави нешто да биде усложнето, заплеткано. Не го компликувај животот!
