компримира | св. и несв.
Изврши, врши компресија.
компромис | м.
Спогодба меѓу две или неколку страни, постигната со заемни отстапки. Постигна компромис. Предлог за компромис.
компромисен | прид.
Што е постигнат со компромис. Компромисен договор. Компромисно решение.
компромитација | ж.
Уривање на угледот на некого, предизвикување на неповолно мислење.
компромитира | св. и несв.
Направи, прави да се изгуби доверба во некого, да се создаде неповолно мислење; осрамоти, срамоти некого. Ти нѐ компромитираш сите.
компромитува | несв.
компјутер | м.
Електронски уред способен да обработува податоци и да извршува различни задачи многу точно; електронски сметач.
компјутеризација | ж.
Воведување компјутерска обработка на податоците во разни дејности. Ова е век на компјутеризација.
компјутерски | прид.
Што се однесува на компјутер, што се прави со компјутер. Компјутерска игра. Компјутерска анализа.
компјутерџија | м.
Специјалист за компјутери и за работа со компјутери.
