калвинист | м.

Приврзаник, следбеник на калвинизмот.

калдрма | ж.

Пат поставен со нерамен камен; каменот со кој е покриен патот. Пајтонот поскокнуваше по калдрмата. Уморно ги влечеше нозете по калдрмата.

калдрмиса | св.

Постави калдрма, поплочи со камен (пат, улица и сл.). Таа година ги калдрмисаа улиците.

калдрмџија | м.

Тој што поставува калдрма, што се занимава со калдрмисување.

кале | ср.

Тврдина, крепост. Се печеа на жешкото сонце наредени крај ѕидот од високото кале.

калеври | и.

Вид машки ниски, плитки обувки. Нивните калеври и излитени јемении се влечкаа по калдрмата.

калезба | ж.

Покана за свадба, веселба и сл.

калезма | ж.

калеидоскоп | м.

Оптичка направа во вид на цевка во која со помош на две огледала и разнобојни материјали (стакленца, камчиња и сл.) се создаваат различни фигури, кои со движење на цевката брзо се менуваат.

калем | м.

Шуплив дрвен, метален и сл. валјак за намотување конец, преѓа, жица и сл.; макара. Свилениот конец го намота на калем. Донесе еден калем бакарна жица.