конквечерум | прил.
Приквечер. Конквечерум на вратата ми затропа некој.
конклузивен | прид.
Што содржи заклучок; што е заклучен. Конклузивна реченица.
конклузија | ж.
Заклучок изведен од некоја претпоставка. До ваквата конклузија нѐ водат четири забележувања.
конкордат | м.
Договор, спогодба, обично меѓу папата и некоја суверена држава за правата на католичката црква во таа држава.
конкретен | прид.
Што е достапен на сетилата, што може да се почувствува; вистински. Конкретно место. Конкретен предмет.
конкретизација | ж.
Постапка со која нешто станува конкретно; конкретизирање. Тематскиот план претставува конкретизација на глобалниот годишен план.
конкретизира | св. и несв.
Уточни, уточнува нешто; направи, прави нешто да стане конкретно. Да ги конкретизираме постапките. Конкретизирај ги барањата!
конкубина | ж.
Вонбрачна жена што живее во конкубинат.
конкубинат | м.
Вонбрачна заедница, законски неформализиран брак. Во тој конкубинат им се роди дете.
конкурент | м.
Тој што влегува во конкуренција, што конкурира некому; соперник. Во кожарството имаше многу конкуренти.
