консигнација | ж.
Продажба во којашто трговецот продава туѓа стока за определен процент од цената. Продава техничка стока на консигнација.
консолидација | ж.
Средување, зацврстување на нешто; обединување, сплотување на силите. Национална консолидација. Консолидација на земјата.
консолидира | св. и несв.
Изврши, врши консолидација; среди, средува; зацврсти, зацврстува; поправи, поправа. Ја консолидира фабриката.
консонант | м.
Изговара вокали и консонанти.
консонантен | прид.
консонантизам | м.
Систем на консонантите во еден јазик. Да ги наброиме фонетските особености на консонантизмот во јазикот.
конспект | м.
Кусо излагање, куса содржина на некое дело, статија, предавање, говор и сл.
конспектен | прид.
Што е кус, прегледен. Конспектно излагање.
конспиративен | прид.
Што се прави во тајност, конспирација, строго доверлив, заговорнички, таен. Конспиративна група. Конспиративен состанок.
конспиратор | м.
Учесник во конспирација.
