континуитет | ж.
Продолжување без прекин, непрекинатост, постојаност. Воспитно-образовниот процес мора да се одвива во континуитет.
конто | ср.
Книговодствена сметка на која се бележат сите промени на паричните средства (приходи и расходи).
контра | ж.
Направа за сопирање велосипед; сопирачка. Контрата не ти работи, биди внимателен.
контра | прил.
Спротивно, обратно, против. Тргна контра.
контра- | претс.
Како прв дел на сложени зборови означува спротивност од тоа што е изречено во вториот дел од зборот: контраагитација, контрареволуција, контранапад.
контраадмирал | м.
Чин од високиот офицерски состав на воената морнарица, понизок од вицеадмирал; лицето што го носи чинот.
контрабанда | ж.
Тајно пренесување стока, оружје, злато, девизи и сл. преку граница за да се избегнат царинските давачки или прописите за забрана на слободна трговија со некои артикли.
контрабанден | прид.
Што се однесува на контрабанда. Контрабандни стоки.
контрабандист | м.
Тој што се занимава со контрабанда; криумчар.
контрабас | м.
Најголем и најдлабок гудачки инструмент.
