контрабасист | м.
Тој што свири на контрабас. Заврши школа за контрабасисти.
контрадикторен | прид.
Противречен. Контрадикторна изјава.
контрадикција | ж.
Противречност. Реченото е во контрадикција со претходното.
контраиндикација | ж.
Спротивна појава, спротивен знак.
контракција | ж.
Стегање, собирање. Контракција на мускулите.
контрапункт | м.
Поврзување на две или повеќе мелодии во хармониска целина при нивното изведување.
контрареволуција | ж.
Активно противдејство врз извршената револуција, борба за воспоставување на претходниот поредок; противреволуција. Се поведе одмаздничка контрареволуција.
контраст | м.
Остро изразена спротивност; спротивставеност.
контрастен | прид.
Што прави контраст, што се изделува, што се одликува со контраст. Контрастен лик.
контрастира | св. и несв.
Направи, прави контраст. Завесата контрастира на мрачната соба.
