конуштиса се | св.
Се запознае со некого. На туѓина се конуштисал со него.
конфедеративен | прид.
Што се однесува на конфедерација. Конфедеративна држава.
конфедерација | ж.
Сојуз, заедница на повеќе суверени држави на која се пренесуваат дел од државните функции.
конфекционер | м.
Тој што произведува или продава конфекција.
конфекција | ж.
Индустриско производство на облека по стандардни големини.
конферанса | ж.
Најавување и објаснување на некоја програма.
конферансие | м.
Тој што раководи со некоја приредба, ја најавува програмата на јавна изведба. Ми падна честа да бидам конферансие на приредбата.
конференција | ж.
Состанок, седница, собир на повеќе луѓе за некој проблем; советување. Партиска конференција. Научна конференција. Конференција за печат.
конференцијаш | м.
Лице што постојано присуствува на состаноци, конференции и сл.
конферира | св. и несв.
Одржи, држи конференција, заседава, се советува. Министерот конферира со синдикатот.
