кооперира | св. и несв.
Се здружи, се здружува или е во кооперација. Кооперира со селаните во пчеларството.
кооптација | ж.
Дополнување на составот на некој орган со нови членови без спроведување избори.
кооптира | св. и несв.
Изврши, врши кооптација. Кооптиран сум во комитетот.
координата | ж.
(мат.) Еден од елементите за одредување на положбата на една точка на рамнина или во просторот.
координатен | прид.
Што се однесува на координата
координационен | прид.
Што врши, што спроведува координација. Координационен одбор.
координација | ж.
Меѓусебно усогласување на дејства, функции, поими и сл. Координација на дејствата на двата комитета.
координира | св. и несв.
Поврзе, поврзува меѓусебно; усогласи, усогласува. Мозокот ја координира работата на нервниот систем.
коп | м.
Во рудник – место на коешто нешто се ископува. Јамски коп. Дневен коп.
копа | ж.
Куп сено или слама напластен во облик на конус; стог. Имаше доволно копи сено за цела зима.
