Корално Море | ср.
Море на североисточниот брег на Австралија.
коран | м.
Машка пастрмка во Охридското Езеро. Цело лето ловеа маслинести корани.
Коран | м.
Муслиманска света книга со учењето на мухамеданската религија
корач | м.
Вид чекан за потковување коњи. Со корачот почна да удира по потковицата.
корбач | м.
Бич од едно парче или сплетен за јавач на коњ. Силно замавна со корбачот.
корвета | ж.
Мал извиднички брод; мал брз крстосувач. Една корвета ги распнуваше платната.
корветен | прид.
Што се однесува на корвета. Корветен кормилар.
кордела | ж.
Украсна лента од различен материјал, боја и широчина; панделка. Во косата носи кордела.
Кордилјери | и.
Планински масив во Северна Америка.
Кордоба | ж.
Град во Шпанија.
