калуѓер | м.

Лице што припаѓа на црковен ред и живее во манастир; тој што се замонашил, монах. Вие знаете дека во манастирот има еден калуѓер.

калуѓери | несв.

Воведува во калуѓерски ред; замонашува.

калуѓерица | ж.

калуѓерка_1

калуѓерка | ж.

Жена калуѓер; монахиња.

калфа | м.

Помошник на трговец или занаетчија што го има поминато чирачкиот стаж и што има положено калфински испит. Кројачки калфа. Трговски калфи.

калфува | несв.

Работи како калфа, е калфа.

калца | ж.

калциум | м.

Хемиски елемент, сребренобел метал, распространет во многу соединенија во природата и неопходен за развој на сите живи суштества; симбол Ca. Недостатокот на калциум кај човекот предизвикува рахитис.

калциумов | прид.

Што се однесува на калциум, што содржи калциум. Калциумов фосфат. Калциумова сол.

калцификација | ж.

Додавање калциум во почвата заради промена на нејзините агрохемиски својства, ѓубрење со калциумово, варовно ѓубре. Кацификација се врши за подобрување на својствата на почвата.