кристализира | св. и несв.

Стане, станува кристал. Многу минерали при определени услови кристализираат.

кристалографија | ж.

Наука за структурата и за формите на кристалите.

Крит | м.

Грчки остров во Егејското Море.

критериум | м.

Мерило, одлика или својства по кои се оценува, се одлучува или се распоредува нешто. Научен критериум. Естетски критериум. Фонолошки критериум. Тој беше загрижен за вкусот и критериумите на младите.

критизер | м.

Неконструктивен, недобронамерен критичар; зајадливец.

критизерство | ср.

Склоност кон неконструктивна, недобронамерна критика. Една работа е критика – отворена и добронамерна, а друга работа е критизерство!

критизира | несв.

Критикува неосновано; изнесува само лоши работи; куди. Тој ја критизираше работата на директорот.

критик | м.

критика | ж.

(само едн.) Образложена оцена на некое дело, работа, постапка; збир од оцени во некоја област. Литературна критика. Остра критика. Упати критика. Списанието донесува и неколку прикази и критики.

критикува | несв.

Подложува на критика.